Thursday 3 April 2014

ప్రతీరోజూ

ఓ అందమైన సూర్యోదయం,

అంతకన్నా అందమైన సూర్యాస్తమయమూ ఉంటాయి.

ఎవరో అంటారు-

అస్తమించే సూర్యుడిని, ఉదయించే చంద్రుడిని గమనిస్తూ ఉంటే

సృష్ఠికర్త మీద గౌరవం మరింత పెరుగుతుందని.

అపార్ట్‌మెంట్ల నడుమ

చెట్లవెనుక

కొండలమధ్య

గోదావరిమీద పడవల తెరచాటుగా

వరిచేలదగ్గర...

సూర్యుడు వీడ్కోలు చెపుతుంటే

ఆగి, చూడకుండా ఉండలేం!

అబ్బురపడకుండా ముందుకు కదలలేం!

తిరుమల కొండల్లో చెట్లవెనుక అస్తమిస్తున్న సూర్యుడు

గోదావరి అందం ఉంది..విరిగిపడే సముద్రపు కెరటాల హోరు ఉంది..పచ్చని ప్రకృతి ఉంది..అడుగడుగునా గుడి ఉంది..చక్కనైన పలకరింపు ఉంది.. చిక్కనైన చమత్కారం ఉంది..నోరూరించే వంటకాల రుచి ఉంది..వీటన్నింటినీ మదిలో నింపుకొన్న జ్ఞాపకం ఉంది..కథలు..నచ్చిన సంగీతం..మెచ్చిన పుస్తకం..స్పూర్తిని నింపి ముందుకు నడిపించే మాట..ఆధ్యాత్మికత..ఇంకా చాలా ఉన్నాయి :) నా కోసం..మీ కోసం..మనందరి కోసం!